• sunny_leone_

    അശ്ലീല ചിത്രങ്ങളിലെ ഇന്ത്യക്കാരുടെ പ്രിയ നായിക സണ്ണി ലിയോണ്‍, പോണ്‍ കാണുന്നവരില്‍ 30 ശതമാനം സ്ത്രീകള്‍, തെരയുന്നത് ‘ലെസ്ബിയന്‍’ വീഡിയോ, റംസാനും ദീപാവലിക്കും എല്ലാവരും വിശുദ്ധരെന്നും പോണ്‍ ഹബ്

    Date : January 10th, 2017

    ഓണ്‍ലൈനില്‍ ഇന്ത്യക്കാര്‍ പോണ്‍ വീഡിയോകള്‍ (അശ്ലീല വീഡിയോ) കാണുന്നുണ്ടെന്നുള്ളത് പരസ്യമായ രഹസ്യമാണ്. ഫ്രീ വൈ-ഫൈയും ഇന്റര്‍നെറ്റും കിട്ടിയാല്‍ ആദ്യം തെരയുന്ന വെബ്‌സൈറ്റുകളില്‍ പോണ്‍ സൈറ്റുകള്‍ മുന്‍പന്തിയിലാണെന്നും എല്ലാവര്‍ക്കും അറിയാം. സണ്ണി ലിയോണ്‍ ആണ് ഇന്ത്യയ്ക്ക് ഏറെയിഷ്ടപ്പെട്ട പോണ്‍ താരമെന്നാണ് പുതിയ കണ്ടെത്തല്‍. ലോകത്തിലെ ഏറ്റവും വലിയ പോണ്‍ വെബ്‌സൈറ്റ് പോണ്‍ ഹബ് ഈയടുത്ത് പുറത്തുവിട്ട വിവരങ്ങള്‍ അനുസരിച്ച് ലോകത്തില്‍ ഏറ്റവും അധികം പോണ്‍ തെരയുന്ന രാജ്യങ്ങളില്‍ നാലാമതാണ് ഇന്ത്യ. സണ്ണി ലിയോണിനെ ഇഷ്ടമാണെങ്കിലും പോണ്‍ കാണുന്നതിന് ചില നിയന്ത്രണങ്ങള്‍ ഇന്ത്യക്കാര്‍ക്കുണ്ട്. റമദാന്‍, ദീപാവലി നാളുകളില്‍ പോണ്‍ കാണുന്ന സ്വഭാവം ഇന്ത്യക്കാര്‍ക്ക് കുറവാണ്. മതപരമായ ദിവസങ്ങളായതിനാലാണിതെന്ന് വെബ് സൈറ്റ് വ്യക്തമാക്കുന്നു.

    ഇന്റര്‍നെറ്റിലൂടെ അശ്ലീചിത്രം കാണുന്ന ഇന്ത്യക്കാരില്‍ 30 ശതമാനവും സ്ത്രീകളാണെന്നും പഠനം വ്യക്തമാക്കുന്നു. ഇന്ത്യയിലെ സ്ത്രീകള്‍ക്കും ഏറെ പ്രിയപ്പെട്ട നായിക പോണ്‍ മേഖലയില്‍നിന്ന് ബോളിവുഡിലേക്കു കുടിയേറിയ സണ്ണി ലിയോണാണ്. അശ്ലീലചിത്രം കാണുന്നതില്‍ അമേരിക്ക, ബ്രിട്ടന്‍, കാനഡ എന്നീ രാജ്യങ്ങള്‍ളാണ് ഇന്ത്യയ്ക്ക് മുന്നിലുള്ളത്. മുന്‍ വര്‍ഷം ഇന്ത്യയുടെ സ്ഥാനം മൂന്നാമതായിരുന്നു.

     

    പോണ്‍ വിഡിയോ തേടി സൈറ്റ് സന്ദര്‍ശിക്കുന്ന 18നും 24നും ഇടയില്‍ പ്രായമുള്ള ഇന്ത്യക്കാരുടെ എണ്ണം മറ്റു രാജ്യങ്ങളെ അപേക്ഷിച്ച് വളരെ കൂടുതലാണെന്നും റിപ്പോര്‍ട്ട് വിശദീകരിക്കുന്നു. ഇന്ത്യയില്‍നിന്നും സൈറ്റ് സന്ദര്‍ശിക്കുന്നവരില്‍ കൂടുതല്‍ പേര്‍ക്കും താല്‍പര്യം സ്വന്തം രാജ്യക്കാര്‍ ഉള്‍പ്പെട്ട വിഡിയോകളാണ്. വെബ്സൈറ്റ് സന്ദര്‍ശിക്കുന്ന സ്ത്രീകളിലധികവും ‘ലെസ്ബിയന്‍’ വിഭാഗത്തില്‍പ്പെട്ട വിഡിയോകള്‍ കാണാനാണ് താല്‍പര്യം കാണിക്കുന്നതെന്നും റിപ്പോര്‍ട്ടില്‍ പറയുന്നു.

    തുടര്‍ച്ചയായി രണ്ടാം വര്‍ഷവും ഏറ്റവും കൂടുതല്‍ തെരയപ്പെട്ട വിഭാഗം സ്ത്രീ സ്വവര്‍ഗരതി(ലെസ്ബിയന്‍) യാണ്. ആണുങ്ങള്‍ ഏറ്റവും കൂടുതല്‍ തെരഞ്ഞ വിഭാഗങ്ങള്‍ മില്‍ഫ്(മധ്യവയസ്‌ക), രണ്ടാനമ്മ, അര്‍ധസഹോദരി തുടങ്ങിയവ ആണ്. ‘ഇന്ത്യന്‍ ആന്റി വിത്ത് യങ്’ എന്ന പേരോടുകൂടിയാണ് ഇന്ത്യക്കാരിലധികവും വെബ്സൈറ്റില്‍ സെര്‍ച്ച് ചെയ്യുന്നത്. ഏറ്റവും കൂടുതല്‍ സെര്‍ച്ച് ചെയ്യപ്പെടുന്ന വാക്കുകളില്‍ ആദ്യ പത്തില്‍ ഈ വാക്കുണ്ട്.

    പോണ്‍ കാണുന്നതില്‍ ജപ്പാന്‍, ഫ്രാന്‍സ്, ജര്‍മനി, ഓസ്ട്രേലിയ, ഇറ്റലി, ബ്രസീല്‍ എന്നീ രാജ്യക്കാര്‍ ഇന്ത്യയ്ക്ക് തൊട്ടുപിന്നിലുണ്ട്. അശ്ലീല വെബ്‌സൈറ്റായ പോണ്‍ഹബ് ആണ് കണക്കുകള്‍ പുറത്തുവിട്ടത്. പോയവര്‍ഷം ലോകത്തുമൊത്തം 9,200 കോടി വീഡിയോകളാണ് പോണ്‍ഹബിലൂടെ ആള്‍ക്കാര്‍ കണ്ടത്. ഒരാള്‍ ശരാശരി 9.36 മിനിട്ടു സമയം അശ്ലീല ചിത്രം കാണാന്‍ ചെലവഴിച്ചു. പോയ വര്‍ഷത്തെ അപേക്ഷിച്ച് 16 സെക്കന്‍ഡിന്റെ വര്‍ധനവേ ഇക്കാര്യത്തില്‍ ഉണ്ടായിട്ടുള്ളൂ.

     

     

    അശ്ലീലചിത്രം കാണുന്നവരുടെ എണ്ണത്തില്‍ അമേരിക്കയാണു മുന്നിലെങ്കിലും അശ്ലീല വെബ്‌സൈറ്റുകളില്‍ സമയം കൂടുതല്‍ ചെലവഴിക്കുന്നത് ഫിലിപ്പീന്‍സുകാരാണ്. 12 മിനിട്ടും 45 സെക്കന്‍ഡുമാണ് ശരാശരി ഒരു ഫിലിപ്പീന്‍സുകാരന്‍ അശ്ലീലം കാണാന്‍ ചെലഴവിക്കുന്ന സമയം.

    ദക്ഷിണാഫ്രിക്ക(10.46), അമേരിക്ക(10.15), കാനഡ(9.49) എന്നിങ്ങനെയാണ് രണ്ടുമുതല്‍ നാലുവരെ സ്ഥാനങ്ങള്‍. 8.20 മിനിട്ടുമായി ഇന്ത്യ ഇക്കാര്യത്തില്‍ 16ാം സ്ഥാനത്താണ്. മുന്‍ വര്‍ഷത്തേക്കാള്‍ 70 സെക്കന്‍ഡു കുറച്ചാണ് ഇന്ത്യക്കാര്‍ അശ്ലീലം കാണുന്നത്. ഏറ്റവും കുറവു സമയം ചെലവഴിക്കുന്നത് ക്യൂബയാണ് – 4.57 സെക്കന്‍ഡ്. എല്ലാ വര്‍ഷവും പോണ്‍ ഹബ് സൈറ്റ് ഇത്തരത്തിലുള്ള കണക്കുകള്‍ പുറത്തുവിടാറുണ്ട്.

    Email this to someonePin on Pinterest0Share on Facebook0Share on Google+0Tweet about this on Twitter
  • G.M