ഹാദിയ കേസ് വാദത്തിനിടെ സുപ്രീം കോടതിയില്‍ നാടകീയ രംഗങ്ങള്‍; ഷഫിന്‍ ജഹാന്റെയും എന്‍ഐഎയുടെയും അഭിഭാഷകര്‍ തമ്മില്‍ പോര്‍വിളി, ഹാദിയയ്ക്കു പറയാനുള്ളത് കേള്‍ക്കുമെന്ന് കോടതി

Date : October 9th, 2017

ഡല്‍ഹി: വൈക്കം സ്വദേശിനി ഹാദിയയുടെ (അഖില) മതംമാറ്റവുമായി ബന്ധപ്പെട്ട കേസില്‍ വദം നടക്കവെ സുപ്രീം കോടതിയില്‍ നാടകീയമായ രംഗങ്ങള്‍. കേസിന്റെ വാദത്തിനിടെ ഹാദിയയുടെ ഭര്‍ത്താവ് ഷഫിന്‍ ജഹാന്റെയും എന്‍ഐഎയുടെയും അഭിഭാഷകര്‍ തമ്മില്‍ കോടതിക്കുള്ളില്‍ വാഗ്വാദമുണ്ടായി. എന്‍ഐഎ കേന്ദ്രസര്‍ക്കാരിന്റെ കയ്യിലെ പാവയാണെന്നും തുടര്‍ന്ന് ബിജെപി നേതാക്കളുടെ പേര് ഷെഫിന്‍ ജഹാന്റെ അഭിഭാഷകന്‍ ആരോപിച്ചതാണ് തര്‍ക്കത്തിനിടയാക്കിയത്. ഒടുവില്‍ ഈ തര്‍ക്കം നിര്‍ത്താന്‍ കോടതി തന്നെ ആവശ്യപ്പെടുകയായിരുന്നു. തുടര്‍ന്ന് കോടതിയില്‍ രാഷ്ട്രീയം പറയേണ്ടെന്ന് കോടതി നിര്‍ദേശിച്ചു. കേസിലെ വാദം കേള്‍ക്കുന്നതിനിടെ ഹൈക്കോടതിയെയും സുപ്രീം കോടതി വിമര്‍ശിച്ചു. ഹാദിയയുടെ വിവാഹം റദ്ദാക്കാന്‍ ഹൈക്കോടതിക്ക് എങ്ങനെ കഴിയുമെന്നു ചോദിച്ച സുപ്രീം കോടതി, ഹാദിയയ്ക്കു പറയാനുള്ളതു കേള്‍ക്കുമെന്നും വ്യക്തമാക്കി. കേസ് ഈ മാസം 30ന് വീണ്ടും പരിഗണിക്കാനായി മാറ്റി.

hadiya1 ഹാദിയ കേസ് വാദത്തിനിടെ സുപ്രീം കോടതിയില്‍ നാടകീയ രംഗങ്ങള്‍; ഷഫിന്‍ ജഹാന്റെയും എന്‍ഐഎയുടെയും അഭിഭാഷകര്‍ തമ്മില്‍ പോര്‍വിളി, ഹാദിയയ്ക്കു പറയാനുള്ളത് കേള്‍ക്കുമെന്ന് കോടതി

കേസില്‍ ഹാദിയയുടെ നിലപാട് അറിയണം. അവര്‍ക്കെന്താണു പറയാനുള്ളതെന്നു കേള്‍ക്കണം. ഹാദിയയെ തടവിലാക്കാന്‍ പിതാവ് അശോകന് കഴിയില്ല. വിവാഹവും എന്‍ഐഎ അന്വേഷണവും രണ്ടാണ് എന്നും സുപ്രീം കോടതി വ്യക്തമാക്കി. ഹാദിയയുമായുള്ള വിവാഹം അസാധുവാക്കിയ ഹൈക്കോടതി വിധിക്കെതിരെ കൊല്ലം സ്വദേശി ഷഫിന്‍ ജഹാന്‍ നല്‍കിയ ഹര്‍ജിയാണ് സുപ്രീം കോടതി പരിഗണിച്ചത്. ഹാദിയയും ഷഫിന്‍ ജഹാനും തമ്മിലുളള വിവാഹം റദ്ദുചെയ്യാന്‍ ഹൈക്കോടതിക്ക് അധികാരമുണ്ടോ, എന്‍ഐഎ അന്വേഷണം തുടരണോ എന്ന കാര്യങ്ങളാണു പരിശോധിക്കുന്നത്. ഹാദിയയെ നേരില്‍ കണ്ട് റിപ്പോര്‍ട്ട് തയാറാക്കാന്‍ അനുവദിക്കണമെന്നു വനിതാ കമ്മിഷനും കേരളത്തിലെ ആസൂത്രിത മതപരിവര്‍ത്തനം അന്വേഷിക്കണമെന്ന് നിമിഷ എന്ന ഫാത്തിമയുടെ അമ്മ ബിന്ദുവും ഹര്‍ജി സമര്‍പ്പിച്ചിരുന്നു.

വിവാഹബന്ധം റദ്ദാക്കാന്‍ ഭരണഘടനയുടെ 226-ാം അനുച്ഛേദം ഹൈക്കോടതിക്ക് അധികാരം നല്‍കുന്നുണ്ടോയെന്നാണു ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ച് പരിശോധിക്കുന്നത്. ജസ്റ്റിസ് ആര്‍.വി.രവീന്ദ്രന്‍ മേല്‍നോട്ട ചുമതല ഏറ്റെടുക്കാത്ത സാഹചര്യത്തില്‍ ഇപ്പോള്‍ നടക്കുന്ന എന്‍ഐഐ അന്വേഷണം നീതിപൂര്‍വമായിരിക്കില്ല എന്ന ഷഫിന്‍ ജഹാന്റെ പരാതിയും കോടതി പരിഗണിക്കും. സംസ്ഥാന വനിതാ കമ്മിഷന്‍ അധ്യക്ഷ എം.സി.ജോസഫൈന്‍ അടക്കം ആറുപേര്‍ ഹാദിയക്കേസില്‍ കക്ഷിചേരാന്‍ സുപ്രീം കോടതിയെ സമീപിച്ചിട്ടുണ്ട്. ഹാദിയ വീട്ടുതടങ്കലിലാണെന്ന പരാതികളില്‍ അന്വേഷണം നടത്താന്‍ അനുവദിക്കണമെന്നാണു വനിതാ കമ്മിഷന്റെ ആവശ്യം.

hadiya111 ഹാദിയ കേസ് വാദത്തിനിടെ സുപ്രീം കോടതിയില്‍ നാടകീയ രംഗങ്ങള്‍; ഷഫിന്‍ ജഹാന്റെയും എന്‍ഐഎയുടെയും അഭിഭാഷകര്‍ തമ്മില്‍ പോര്‍വിളി, ഹാദിയയ്ക്കു പറയാനുള്ളത് കേള്‍ക്കുമെന്ന് കോടതി

മതം മാറി വിദേശത്തേക്കു കടന്ന നിമിഷ എന്ന ഫാത്തിമയുടെ അമ്മ ബിന്ദു, കേരളം ജിഹാദി പ്രവര്‍ത്തനങ്ങളുടെ വിളനിലമാണെന്നും മതപരിവര്‍ത്തനം നടക്കുന്ന കേസുകള്‍ക്കു സമാനസ്വഭാവമുണ്ടെന്നും അടക്കം ഗുരുതരമായ ആരോപണങ്ങളാണ് ഉന്നയിച്ചിരിക്കുന്നത്. തന്റെ മകളുടെ അടക്കം മതപരിവര്‍ത്തനം എന്‍ഐഎയെ കൊണ്ട് അന്വേഷിപ്പിക്കണമെന്നും ബിന്ദു ആവശ്യപ്പെട്ടു. മതംമാറ്റാനും ഐഎസില്‍ ചേര്‍ക്കാനും ശ്രമമുണ്ടായി എന്നാരോപിച്ചാണു മഹാരാഷ്ട്ര ലാത്തൂര്‍ സ്വദേശി സുമതി ആര്യയുടെ ഹര്‍ജി. ഹാദിയക്കേസിലെ എന്‍ഐഎ അന്വേഷണത്തെ അനുകൂലിച്ചു ഹൈക്കോടതിയിലെ മൂന്ന് അഭിഭാഷകരും സുപ്രീം കോടതിയെ സമീപിച്ചിട്ടുണ്ട്.
നിയമത്തിന്റെ പുറത്തുള്ള വിഷയങ്ങള്‍ ഉന്നയിക്കരുതെന്നും മനസികപ്രശ്‌നങ്ങള്‍ ഇല്ലാത്തയാള്‍ക്ക് സ്വന്തം നിലയ്ക്ക് തീരുമാനങ്ങള്‍ എടുക്കാമെന്നും സുപ്രീംകോടതി വ്യക്തമാക്കി.

Hadiya ഹാദിയ കേസ് വാദത്തിനിടെ സുപ്രീം കോടതിയില്‍ നാടകീയ രംഗങ്ങള്‍; ഷഫിന്‍ ജഹാന്റെയും എന്‍ഐഎയുടെയും അഭിഭാഷകര്‍ തമ്മില്‍ പോര്‍വിളി, ഹാദിയയ്ക്കു പറയാനുള്ളത് കേള്‍ക്കുമെന്ന് കോടതി
അഖില മതംമാറി ഹാദിയയായ ശേഷം വിവാഹം കഴിച്ച നടപടി ഹൈക്കോടതി റദ്ദാക്കിയിരുന്നു. അഖിലയുടെ മതംമാറ്റം അടക്കമുള്ള വിഷയങ്ങള്‍ പരിശോധിക്കാന്‍ എന്‍ഐഎ അന്വേഷണത്തിനും ഉത്തരവിട്ടിരുന്നു. പ്രായപൂര്‍ത്തിയായ പെണ്‍കുട്ടിയുടെ വിവാഹം റദ്ദാക്കാന്‍ ഭരണഘടനയുടെ 226ാം വകുപ്പ് പ്രകാരം ഹൈക്കോടതിക്ക് അധികാരമുണ്ടോ എന്ന കാര്യവും കേസില്‍ എന്‍ഐഎ അന്വേഷണത്തിന് ഉത്തരവിടാന്‍ സുപ്രീംകോടതിക്ക് സാധിക്കുമോ എന്ന കാര്യവുമാണ് കോടതി പരിഗണിക്കുന്നത്.

email ഹാദിയ കേസ് വാദത്തിനിടെ സുപ്രീം കോടതിയില്‍ നാടകീയ രംഗങ്ങള്‍; ഷഫിന്‍ ജഹാന്റെയും എന്‍ഐഎയുടെയും അഭിഭാഷകര്‍ തമ്മില്‍ പോര്‍വിളി, ഹാദിയയ്ക്കു പറയാനുള്ളത് കേള്‍ക്കുമെന്ന് കോടതിpinterest ഹാദിയ കേസ് വാദത്തിനിടെ സുപ്രീം കോടതിയില്‍ നാടകീയ രംഗങ്ങള്‍; ഷഫിന്‍ ജഹാന്റെയും എന്‍ഐഎയുടെയും അഭിഭാഷകര്‍ തമ്മില്‍ പോര്‍വിളി, ഹാദിയയ്ക്കു പറയാനുള്ളത് കേള്‍ക്കുമെന്ന് കോടതി0facebook ഹാദിയ കേസ് വാദത്തിനിടെ സുപ്രീം കോടതിയില്‍ നാടകീയ രംഗങ്ങള്‍; ഷഫിന്‍ ജഹാന്റെയും എന്‍ഐഎയുടെയും അഭിഭാഷകര്‍ തമ്മില്‍ പോര്‍വിളി, ഹാദിയയ്ക്കു പറയാനുള്ളത് കേള്‍ക്കുമെന്ന് കോടതി0google ഹാദിയ കേസ് വാദത്തിനിടെ സുപ്രീം കോടതിയില്‍ നാടകീയ രംഗങ്ങള്‍; ഷഫിന്‍ ജഹാന്റെയും എന്‍ഐഎയുടെയും അഭിഭാഷകര്‍ തമ്മില്‍ പോര്‍വിളി, ഹാദിയയ്ക്കു പറയാനുള്ളത് കേള്‍ക്കുമെന്ന് കോടതി0twitter ഹാദിയ കേസ് വാദത്തിനിടെ സുപ്രീം കോടതിയില്‍ നാടകീയ രംഗങ്ങള്‍; ഷഫിന്‍ ജഹാന്റെയും എന്‍ഐഎയുടെയും അഭിഭാഷകര്‍ തമ്മില്‍ പോര്‍വിളി, ഹാദിയയ്ക്കു പറയാനുള്ളത് കേള്‍ക്കുമെന്ന് കോടതി
  • Loading…